كلمات اغنية يطل القمر - بدر العزي
يطل القمر والا يغيب القمر لا باس
الأغلى تهون بحضرته، قيمة الغالي
عن الطلة اللي تنتظرها جميع الناس
أنا في انتظار الطلة، اللي على بالي
يا قلبٍ عثا فيك الزمان وطواك الياس
لا تبدي ملام الا على وضعك الحالي
تشوف المحبة شي أساسي على أي أساس
ما دام المحبة تدبل الكبد من تالي
تحدك على الضيق وتحدك على الهوجاس
وأنا كل داعي شوق يأثر على حالي
يهوّن علي الشعر لا انفضوا الجلاس
يضمد جروحي ويتطمن على أحوالي
يا شين القصيد إن صار خالي من الإحساس
يمر المسامع عجل ويموت طوالي
إذا ما تحرك منه قلب وتمايل راس
ما يطري على مهموم ولا على سالي
يطل القمر والا يغيب القمر لا باس
الأغلى تهون بحضرته، قيمة الغالي
عن الطلة اللي تنتظرها جميع الناس
أنا في انتظار الطلة، اللي على بالي
أحسب إني اسلا كل ما ذعذع النّسناس
تعبت ابتسم وارجع على نفس موالي
أثر ما يسليني كلامٍ مابين أقواس
عن الصورة اللي ما تخليني لحالي
عليك السلام الوافر اللي بدون قياس
يا عنقٍ عليه معلقٍ باقي آمالي
مع انك بعيد وطرقتك تتعب العساس
أنا أشوف حلّي فيك وأشوف ترحالي
إذا ما بقالي عودك المبري المياس
من أحلام عمري ما أعرف وش تبقالي
وش تبقالي وش تبقالي
يطل القمر والا يغيب القمر لا باس
الأغلى تهون بحضرته، قيمة الغالي
عن الطلة اللي تنتظرها جميع الناس
أنا في انتظار الطلة، اللي على بالي