كلمات اغنية عارفاني - الحر
عارفاني مانبغيش دمعة
على خدك تسيل وكيفاش ندير
في جناحي دم مابين الريش
عليا ماتخافيش واخا جريح نطير
حلفي يا أيام ماتقوليش
لي بيا ماباغيش يعرفوه حفظي سري
ماتشفيش فيا العديان
رانا مزيان واخا رصاص ساكن صدري
عزيز عليا جا فبالي
والمكان خالي ومالياش ونيس
والشمعة ماساخية تسالي
صابرة معايا ليالي في دموعها تقيس
ملي نشوف في السماء الغيام
نستنى يرفرف جناحي
ملي تبدا السماء تصفى
لي عارفو مور الظلام نور وسلام
كيشافي جراحي وسامح للشمعة تطفى
وارتاح واتيقن يا المشكاك
راه كاين لي معاك ونتا ماشايفوش
المرايا تحكي لي صار
والشواك واخا من الورد ولفنا مايحنوش
وانا لي بيا بالناس والقمر فوقي عساس
بين ما الليل يفوت
سولوني ورديت راه لباس
نفس جواب واحد ماهانيش الخوت
عارفاني مانبغيش دمعة
على خدك تسيل وكيفاش ندير
في جناحي دم مابين الريش
عليا ماتخافيش واخا جريح نطير
حلفي يا أيام ماتقوليش
لي بيا ماباغيش يعرفوه حفظي سري
ماتشفيش فيا العديان
رانا مزيان واخا رصاص ساكن صدري
من مور تنهيدة سابقة سكوت
وشوفة قبل الصوت
ملامحي تحكي حالي
شراع المركب نافخ فيه وبيه زايد
حتى يسالي النفس لي بقالي
نحضن تصاور بين اللوح
فيا قلب مجروح
وفحال لي ما كاين والو
صبار ونزيد نواسي
وبكفي كانمسح وديان على الخدود سالو
واخا قصات عليا الأيام
عرفتني بالزمان والدنيا والغابة
فهمتني لغة العيون
وبلي التيقة خداعة واخا تحلف كذابة
وبريشة راسم حقيقة
بأبسط طريقة ومانقسها حتى لون
احاسيس على موسيقى
وروح بريئة حرة فهاد الكون
عارفاني مانبغيش دمعة
على خدك تسيل وكيفاش ندير
في جناحي دم مابين الريش
عليا ماتخافيش واخا جريح نطير
حلفي يا أيام ماتقوليش
لي بيا ماباغيش يعرفوه حفظي سري
ماتشفيش فيا العديان
رانا مزيان واخا رصاص ساكن صدري