كلمات اغنية تيجي نعيش - اعلان ڤودافون رمضان ٢٠٢٥ - محمد صلاح ونانسي عجرم
أطلقت شركة فودافون إعلانها الرمضاني لعام 2025 بعنوان "تيجي نعيش"، الذي يجمع بين نجم كرة القدم المصري محمد صلاح والفنانة اللبنانية نانسي عجرم. يُبرز الإعلان أجواء الفرح والتواصل خلال شهر رمضان المبارك، مع التركيز على أهمية العلاقات الأسرية والاجتماعية.
يُظهر الإعلان لقطات لمحمد صلاح ونانسي عجرم مع عائلاتهم، حيث تظهر ابنة محمد صلاح، كيان، وابنة نانسي عجرم، ليا، مما يضفي طابعًا عائليًا دافئًا على المشاهد.
تيجي نبعد ونطنش كل الزحمة اللي مالتنا
ناخد وقتنا نقعد سوا لو مرة براحتنا
نسمع نرغي نفضفض نخرج ناخد راحتنا
والله حتى لو نقعد ساكتين سوا ياريتنا
نشبع من بعض في يوم مثلا إيه اللي يجرى
ما هي دي الحكايات اللي بتعيش في العمر ذكرى
والناس دي نوعين نوع دلوقتي ونوع دايما بكرة
رأيي إن مافيش غير حالا في إيدينا على فكرة
تيجي نعيش
العمر لحظة بلحظة بلحظة
تعالى نعيش
ونسيب بكرة لبكرة لبكرة
وأصلا ده مافيش
في إيدينا غير دلوقتي نعيشه
تعالى نعيش
الوقت اللي بيضيع محسوب من عمرنا احنا
مالهاش معنى نأجل لحظة هتفرق للأحلى
الدنيا بتمشي وبتكمل مهما احنا قلقنا
يبقى نروق ونسيب الجايات بقى تفاجئنا
ده اللي بيفرق فعلا في الاخر لو حسينا
لو حبينا وغنينا ضحكنا واتشاقينا
لو بس نسيب للوقت وقت ده هيكفينا
واللي يقولك مش وقته قوله ده بايدينا
ما تيجي نعيش
العمر لحظة بلحظة بلحظة
تعالى نعيش
ونسيب بكرة لبكرة لبكرة
وأصلا ده مافيش
في إيدينا غير دلوقتي نعيشه
تعالى نعيش