كلمات اغنية شيلة عيدي معه عيدين - متعب الخيل
لميع البرق في غر المزون يناجي السارين
على ضوحه قلوب اهل الهوى ولهى ومشتاقه
سحابه فالمناشي والعيون تخايله يومين
وعلى نجد العذيه يوم قرب سبل اشناقه
يذكرني ليا قام يتكاشف بين حين وحين
جبين الفارع اللي تاخذ من المزن براقه
يذكرني ملامح خدها والليل حجر العين
هماليل النصوب اللي تراقبها هل الناقه
غزالً في تواصيف الجمال الله عطاها الزين
تواصيف الجمال اللي له الأنظار تواقه
صباح العيد عايدني وانا عيدي معه عيدين
يسلم بالعيون ورمشً عينً يذبح دقاقه
سلام الله على اللي معترضني والعرب سالين
على هونه تخطى وأحسبن الكسر في ساقه
واثره من الغنج يضلع ولاياطا برجله زين
وتضايق خصره من الردف واللبس الذي ضاقه
قوام ورزه وعودً تشبع بالقسى واللين
مثل عنق الفريد اللي سمع له رمي تفاقه
الا ياغرو بدوً فارقه ربي عن الباقين
مثل صبحً تسلل للقلوب بنشوة اشراقه
على صدر المنصه رقمها واحد ماهوب اثنين
ليا قامت تهزع داخل الميدان عملاقه
محد يقدر ينافسها جميع البيض مقتنعين
على صوت الوتر تلعب طرب في كفها باقه
يقولون العرب هاذي وشنهي جايتن من وين
وهي تطرق لهم بالرمش وتعاند ومفتاقه
سلام الله على هذا الجمال اللي يسر العين
وعسى عيدك سعيد وكل عيدً معك نشتاقه